منى فاروق تُوجِّه رسالةً حادةً إلى الأشخاص الذين يطالبونها بارتداء الحجاب

في أول ظهور تليفزيوني لها بعد أزمتها الأخيرة، كشفت الفنانة الشابة منى فاروق، تفاصيل الفترة التي عاشتها في دولة الإمارات، هربًا من الانتقادات التي وجهت لها في مصر.وقالت فاروق، في لقائها مع المذيعة أميرة بدر، ببرنامج “الترابيزة”:” أنا مكنتش بجري ولا الشهرة، أنا كنت ممثلة ومعروفة، والتمثيل ده شغلي اللي بعيش منه، لو مشتغلتش؛ مش هلاقي آكل، أنا شخص مسؤول جدًا في حياتي، انهارده مبقاش بيدخلي دخل، أنا حاولت أشتغل في مكان تاني، ومنفعش، عشان أنا معروفة، والناس سابت الشغل، وفضلت تتصور معايا”.

وأضافت:” نفسي الناس تسيبني أرجع أشتغل، نفسي أبقى حاجة، ومعنديش حد يكون مسؤول عني، كنت بقدم شغل كويس وبذاكر كويس، ومش عايزه أصْعَب على حد، أنا حاليًا معنديش مصدر رزق أو دخل”.وأكملت حديثها:” أنا رجعت من دبي؛ عشان عايزة أعيش في بلدي، ماليش غير بلدي، أنا نفسي أعيش وأموت هنا مع أبويا، حسيت بغربة وبوحدة وأنا هناك، علاقتي بالناس هناك سطحية، وعرفتهم عشان الشغل، بس أنا كان حلمي هنا، في مصر، اللي يقولي اتحجبي واقعدي في البيت؛ طب أنت هتصرف عليا؟”.

قد يهمك أيضــــــــــــــــًا :

الفنانة منى فاروق تُعلن عودتها للساحة الفنية

منى فاروق تثير الجدل بعد منشور "اللهم أجرني في مصيبتي"