حساء سمك فيليه بالجمبري

المقادير:

¼ كيلو جمبري أو كابوريا أو كاليماري
¾ كيلو سمك فيليه
ثمرة فلفل حامي
2 ثمرة بطاطس
ثمرة طماطم
2 فص ثوم
ملعقة زيت
2 ملعقة خل
حزمة كزبرة
ثمرة جزر
ثمرة بصل
ملح وفلفل
الطريقة:
- أول حاجة هتسلقي السمك وأي حاجة تاني هتحطيها زي الجمبري أو الكابوريا، وتبليه بالملح وورق اللورا.

- في حلة تانية شوّحي البصل والثوم المفرومين، ومعاهم مكعبات الجزر لمدة 10 دقائق على نار هادية علشان مايتحرقوش.

- حطي مكعبات البطاطس ومكعبات الطماطم والخل، وسيبيهم على النار لمدة 10 دقائق مع التقليب من وقت للتاني.

- بعد كده حطي عليهم شوربة السمك بدون السمك وتبليها تاني لو محتاجة، وحطي عليها الفلفل الحامي وهو صحيح.

- بعد ما الخضار يستوي كويس شيلي ورق اللورا والفلفل الحامي، واضربي الشوربة بالخضار في الخلاط أو بمضرب الطعام، لحد ما توصل للسمك اللي إنتِ عايزاه.

- بعد كده رجعيها تاني للحلة وحطي معاها السمك والكزبرة، وحطيهم على النار لمدة 10 دقائق كمان.. وبالهنا والشفا.