أرز معمر بكبدة الدجاج

المقادير

- 250 جرام أرز أبيض
- نص كيلو كبدة فراخ
- بصلة كبيرة مبشورة
- معلقة سمنة جنة كبيرة
- 3 ورق لورى
- ربع معلقة صغيرة مستكة
- 4 حبات حبهان
- 1/2 لتر كريمة لباني
- معلقة كبيرة ملح
- معلقة كبيرة فلفل

الطريقة :

- هنبتدي بسلق الكبدة... هنغسل الكبدة الأول بالملح و نصفيها مرتين و بعد ما نشطفها هنحط عليها دقيق و نسيبها شوية عشان نتأكد انها اتغسلت كويس
- في حلة هنحط مياه و لما تغلي هنضيف البصل وورق اللورى و المستكة و الحبهان و الملح و الفلفل و نشطف الكبدة كويس و نحطها في الحلة و نسيبها تتسلق لمدة ربع ساعة
- في نفس الوقت هنغسل الرز كويس و نصفيه و في حلة هنحط معلقة سمنة جنة و عليه الرز و نقلبه لمدة دقيقتين و نأخد الكبدة نضيفها على الرز و نقلبهم
- بعد كده هنجيب طاجن و نحط الرز بالكبد و نضيف عليها الشوربة لحد ما نملي ثلث اربع الطاجن و بعد كدة نغطي باقي الطاجن بالكريمة و نغطيه بورق الألومنيوم و نحطه في قاعدة الفرن على 260 درجة (نبقى مسخنين الفرن) و نسيبه لمدة ساعة و نشوفوا لو مكانش لسه استوي ممكن نزود حبة شوربة بعد كدة نشيل ورق الالومنيوم و نشغل شواية الفرن عشان نحمر الوش و نقدمه.