شهيرة تكشف عن اللحظات الأخيرة في حياة فاروق الفيشاوي

كشفت الفنانة شهيرة، الساعات الأخيرة في حياة الفنان الراحل فاروق الفيشاوي، بعد نقله للمستشفى خلال الأيام الأخيرة.
وقالت شهيرة، في منشور طويل عبر صفحتها الشخصية بموقع "فيسبوك": "فاروق انت مشيت.. هو كده خلاص يعني!؟ يا أجدع وأحب خلق الله من أمبارح وأنا مش مصدقة لأن قبلها بيوم كنت عندك في المستشفى وكانت الزيارة ممنوعة بس انت لما عرفت اني موجوده طلبتني أدخلك  وقضيت معاك فوق النص ساعة من المرح والضحك وكأنك لست مريضا وفي حالة خطرة".

وأضافت: "كنت قويا ومتجاهل ما أنت فيه.. وتحكي حكايات من هنا وهناك كأنك تعاني من نزلة برد ونزلت من عندك راضية بروحك المعنوية المرتفعة.. لذلك كانت صدمتي كبيرة لما بسأل عنك تاني يوم قالولي أنتي آخر صديقة شوفتيه في حالته الطبيعية لأنه النهاردة راح في غيبوبة.. طب ازاي ده كان كويس امبارح بروحه العالية ده كان بيضحك ده كان بيحكي على نوادره مع صديقه محمود الجندي وعلى فلان وعلان.. طب ازاي بسرعة كده. طب ازاي ازاي!! سبحان الله "بين طرفه عين وانتباهتها يغير الله من حال إلى حال".

وتابعت: "دموعي تتسابق مع نفسها ولا تريد تهدأ.. طب ازاي وانت من أعز الأصدقاء للعيلة كلها وانهيار ابني عمرو بالبكاء عندما رأى النعش بتاعك أمامه.. وشريط ذكرياتك أمامه.. الشهامة والرجولة والجدعنة.. أنت يا فاروق وصاحب المواقف الصعبة مع كل الناس مستحيل لم تترك بصمة مع كل من عرفك واقترب منك.. مع السلامة يا حبيبي.. اللهم تقبله بقبول حسن وسامحه وأغفرله وأعفو عنه وأجعل ليلته أجمل ليلة وثبته عند السؤال ونور قبره وأجعله روضة من رياض الجنة فليس هناك أحن منك علينا يا رحمن يا رحيم".

وقد يهمك ايضا:

وفاة الفنان المصري فاروق الفيشاوي بعد صراع مع المرض

رسالة من هنادي مهنا لـ فاروق الفيشاوي بعد تدهور حالته صحية