الإعلامية ميار الببلاوي توضح حقيقة اتهام شقيقتها بالردة

نفت الفنانة والإعلامية ميار الببلاوى، ما كُتب على حسابها على موقع التواصل الاجتماعي "فيسبوك"، بشأن اتهامها لشقيقتها بالردة وتبرأها منها، مؤكدة أن حسابها تعرض للسرقة من الساعة العاشرة مساءً.
وكتبت الببلاوي، الخميس، عبر حسابها، "يا جماعة الأكونت بتاعي كان مسروق من الساعه 10 مش عارفه إيه اللي اتكتب دا استغفر الله العظيم، هى حصلت لكده إلا إخواتى عيب عليكم"

وتابعت الببلاوي، في منشور مفصل: "يا ناس أنا وأخواتى حاجين بيت ربنا وأختى الصغيره بابا كان ميروحش العمرة إلا وهي في إيده، يعني الحمد لله إحنا مصليات ومعتمرات وزوجات لرجالة نحسبهم على خير، كلكم معرض لسرقة الأكونت بتاعه".

وأضافت الببلاوي، "أنا بدي موبايلى أثناء الحلقة لأي حد علشان المداخلات، وجايز ناس محترفة هكرت الأكونت، هو اللي بينشرولوا صور إباحية بيبقى عارف إيه منشور،أنا فعلًا صحافيين كلموني وسألوني عن الأكونت، قلتلهم إنه مش مسروق لإني فعلًا مكنتش أعرف إنه مسروق لحد ما ابني ربنا يحفظه، رجعهولي بسرعة، بعد ما الكارثه اتكتبت على بنتي وأختي وأكتر إنسانة مبتستحملش عليا كلمة، أذونى فيها".

واختتمت الببلاوي، كلامها قائلة: "أنا وإخواتى خط أحمر وحبنا لبعض ولأولادنا وأجوازنا المحترمين، دي دعوة الغالي الله يرحمه، اتقوا الله وسيبوني في حالي بقى، كفايه إلى أنا فيه، والموضوع دا اتقفل وأي موقع هينقله هرجع عليه بالمسائلة القانونية، وعندي ما يثبت سرقة أكونتي من الساعه 10 لحد 1 بعد منتصف الليل".