كسر النجم محمود العسيلي ، حاجز الـ 300 ألف مشاهدة، لـ كليب أغنيته الجديدة، " حب غلط "، بعد مرور أقل من 24 ساعة على طرحها عبر موقع يوتيوب . الأغنية الجديدة من كلمات  أمير طعيمة ، ألحان   محمود العسيلي ، توزيع  علي فتح الله، ميكس & ماستر  علي فتح الله، إخراج : إبراهيم حدرج.

تقول كلمات الأغنية :
ابعديني حاولي تفهميني
ألف مرة حاولت أمشي بس قلبي رجع
ساعديني من قلبك شيليني
أصلي عارف إن السكة دي آخرها وجع
بتشوفيني ليكي بتسحبيني
وضعي صعب ومرضي بيكي مش أي مرض
والحقيقة من أول دقيقة
أنا عارف وأنتي عارفة إنه حب غلط
وكفايانا بقى لُقا هيتعبنا
إحنا الاتنين مش هنكمل ده نصيبنا
مفيهاش بعدين الوقت مهوش في صالحنا
ماشيين ماشيين يبقى نواجه بقى روحنا
—-
أنا بس عايزك تبقي عارفه أنك أنتي ليا
أقربلي مني أنتي عايشة في كل حتة فيا
مش هنسى لما كنا بنهرب من حياتنا دي
لما كنتي تدفي في حضني وتنسي الدنيا بيا
مش هنسى أيام الشتا ولا فيروز والأغاني
ضحكة من قلبي طالعة وعارف مش هضحكها تاني
كان حلم بنبني فيه سنين وهيتهد في ثواني
ما أنا كنت عارف وأنتي عارفة إنه حب غلط
وكفايانا بقى لُقا هيتعبنا
أحنا الاتنين مش هنكمل ده نصيبنا
مفيهاش بعدين الوقت مهوش في صالحنا
ماشيين ماشيين يبقى نواجه بقى روحنا
.......
مش هنسى صوتك اللي كان الصبح بيصحيني
إحساسي بيكي في كل لحظة كنتي بتلمسيني
مش عارف أقولك قد إيه أنتي هتوحشيني
بس أنا عارف وأنتي عارفه أنه حب غلط
وكفايانا بقى لُقا هيتعبنا
أحنا الاتنين مش هنكمل ده نصيبنا
مفيهاش بعدين الوقت مهوش في صالحنا
ماشيين ماشيين يبقى نواجه بقى روحنا

قد يهمك أيضــــــــــــــــًا :

الفنان محمود العسيلي يطرح كليب «حب غلط» عبر يوتيوب

محمود العسيلي يهاجم أصحاب التعليقات المسيئة على "تويتر"