حلا شيحة تنفي انفصالها عن معز مسعود سبب كبير لحاجات جميلة في حياتي

نفت الفنانة حلا شيحة كل الأخبار التي ترددت في الساعات الأخيرة حول انفصالها عن زوجها الداعية معز مسعود، معلقة: «مفيش أي خبر أتكتب عن معز وعني يخص الطلاق صحيح.. معز هو سبب كبير لحاجات جميلة في حياتي وحياة أولادي».

وكتبت حلا شيحة عبر حسابها الرسمي على موقع «إنستجرام»: «لكل المتابعين والمحبين في الوطن العربي، حابة أقولكم مفيش أي خبر اتكتب عن معز وعنى يخص الطلاق صحيح، وكلامي في البوست اللي فات كان كلام عام ولم أقصد بيه حد معين أبدا».

وتابعت: «معز بعيد عن الكلام ده تماماً بالعكس هو سبب كبير لحاجات جميلة في حياتي وحياة أولادي ومشفتش كتير زي أخلاقه واحترامه وعيب الكلام اللي بيتقال عن صفحات السوشيال ميديا كله مش صح أبدا».

وأضافت: «والله في مشاكل أكبر بكتير وحاجات أهم بكتير ممكن نتكلم فيها.. وأنا على صفحتي بحب أشارك جمهوري ساعات بمعاني بحسها وبحسهم زيي وبحب أتواصل معاهم وأبقى موجودة معاهم مش أكتر من كدة.. بالنسبة لحجابي أنا قلت بحاول زيي زي بنات كتير وأكيد مش أحسن حاجة بس أنا كدة دلوقتي والحمد لله.. وأنا مش شيخة أنا إنسانة عادية جداً ليا حسناتي وليا سيئاتي والبشر كلهم كده فبلاش حد يزايد على حد وبدل ما نتريق أو نقول كلام مش مهم نكون متصالحين مع نفسنا ونبطل نحكم على بعض إحنا بشر مش ملايكة».

وكانت حلا شيحة أثارت الجدل بين متابعيها في الأيام الماضية، حول انفصالها عن زوجها الداعية معز مسعود، حيث نشرت مجموعة صور تجمعه بأولادها و صديقاتها عبر حسابها على «إنستجرام»، وكتبت في تعليق عليها: «لحظات في حياتنا بتعدي مع ناس بنقابلهم مرة في العمر ولحظات مع أولادنا بنحس بيها بفرحة وحب وأمل و لحظات مع نفسنا بنتأمل فيها حياتنا كل أيامنا لحظات».

وتابعت: «علشان كده مفيش حاجة تستاهل الزعل والتفكير الزيادة وأجمل حاجة أن الواحد لما يتعب أو يحس إنه تايه أو متلخبط لازم يبقي متأكد إن مشاعره بتقوله حاجات محتاج يعرفها او يفهمها او يفهم نفسه اكتر ونتعلم ومش عيب نقول غلطنا ومش عيب نصلح أخطاءنا بس أهم حاجة منكملش ونعاند نفسنا ونعاقب نفسنا ونحكم على نفسنا بالفشل الفشل إننا نسيب نفسنا جوا نفس المشاكل ونستسلم»

قد يهمك أيضــــــــــــــــًا :

حلا شيحة تعود لجدل "خلع الحجاب" بسبب صورة لابنتها الكبرى

حلا شيحة تُحيي ذكرى الفنان عزت أبو عوف