من الظاهر أن اليوتيوبر بسنت نور الدين، طليقة الداعية معز مسعود، تمر الفترة الحالية بأزمة نفسية وحزن شديد، بعد انتشار أنباء عن استعداد طليقها معز للزواج من النجمة حلا شيحة، ووجهت اليوتيوبر رسالة للجمهور من خلال مواقع التواصل الاجتماعي "كلنا كبشر طبيعيين لما بنمر بتجربة صعبة، بيتاخد كتير من روحنا، عمرنا لغاية لما بنعرف نتجاوزها، و لما بنفتكرها غصب عننا، بيصحى فينا جزء من الألم"

وأضافت اليوتيوبر بسنت نور الدين:”من الأذى الشديد ان اللي حواليك يتعاملوا معاك كإنك ”شئ ” مش انسان يستخدموا صورتك ويخوضوا فى حياتك الشخصية علشان انت شخصية مشهورة.. وكإن المشهور مش انسان من روح و دم واحساس”.

وأضافت بسنت في منشورها:”افتح السوشال ميديا ألاقي حياتى مشاع، صورتي ضمن مجموعة صور فيها غزل و ضحك بسبب قدر ربنا ”سبحانه وتعالى“ كتبه عليا اني امر بيه ، و خلاص القدر عدى و انتهى من حياتي، انا مش حلوي مغطاة و غيرى مش حلوى مكشوفة، و ماحدش فينا مُجرد صورة برقم بيتعد.. أنا اختك و هي قد تكون بنتك .. الكلام ده مؤذي لينا و لأهلنا”.

واختتمت: “بلاش حُب الشير و اللايك يطغى على انسانيتنا ..و دعوا الخلق للخالق.. دا”اماطة الأذى عن الطريق صدقة ” .. فما بالكم ”بإماطة الأذى عن مشاعر الناس”.

وعلى الفور انهالت التعليقات على منشور "بسنت"، حيث علق أحد المتابعين لها:”يا حبيبتي البوستات بيحسدوا فيها الشخص عليكى وعلى الأخريات .. مش ذم ولا غلط فيكى .. انتى سبحان الله كل الناس بتحبك .. اه عيب برضو يتعمل كوميك على حياة الأشخاص الشخصية .. بس معلش بقى اخواتك و بيهزروا مع العلم انا مش بشير الكلام دا .. لكن قصدي الناس مش قاصده إساءة اكتر من أنهم قاصدين يمدحوكي يا قلبى”.

وقال متابع :”متزعليش يا بسنت للأسف المصريين نسبة كبيرة منهم لا بتحترم خصوصية ولا بتراعي مشاعر حد، مجهودك وتعبك واسلوبك الجميل وابتسامتك الحلوة بتخلينا نقدرك ونحترمك، والله حبيت مصر ازيد لما شفتها بعنيكي، وربنا ييسر ويقدر لي زيارة الاماكن الحلوة دي، ربنا يجازيكي خير الجزاء”.

قد يهمك أيضــــــــــــــــًا :

بسنت نورالدين توضح سبب حزنها بعد أنباء ارتباط معز مسعود وحلا شيحة

والد حلا شيحة يحسم الجدل بشأن زواجها من الداعية الإسلامي معز مسعود