سماح أنور توجه رسالة مؤثرة لـ شيرين عبدالوهاب

نشرت الفنان سماح أنور رسالة دعم طويلة للمطربة شيرين عبدالوهاب عبر حسابها الرسمي علي موقع التواصل الإجتماعي فيسبوك، تحت عنوان "حاتقومي".

وذكرت أنور في رسالتها: "عايزة أعرفك على إنسانة بتعشق إنك اتولدتي، اكتر واحدة فرحت بيكي، وعندها كمية كلام، وأحلام والهام مش حاتصدقيها، وحاتعوزي مليون عمر علي عمرك علشان تكفيها، عايزاكي مش بس تقابليها، لا نفسي كمان انك تعينيها، الانسانة الوحيدة اللي طول عمرها في ضهرك، هي اللي بتسندك في البكا و في الفرح، في النصرة و في الانكسارفي الصحة و في المرض، في النجاح وحتي الفشل، ماتنسيهاش وما تهينيهاش،ثقي فيها، حني عليها، اسمعي بكاها و خديها في حضنك وحافظي قوي، قوي عليها، دي اللي خلت شيرين تخش قلوب الدنيا زي سهم العشق اللي لو اتنزع مننا يوجعنا، دي الوحيدة اللي عمرها ماسابتك ولا خذلتك، اسمها شيرين عبد الوهاب برضه".

"خللي بالك عليها، و اسمعي كده في وسط كل الالم و الزعيق و الدوشة صوتها الهادي الواطي البسيط بيقولك كلمة واحدة، صداها في قلوبنا، اسمعي كده…قالت ايه؟ حاتقومي‏".

يذكر أن الفنانة شيرين عبدالوهاب ما تزال تخضع للعلاج الإلزامي من الإدمان بإحدى مستشفيات العلاج النفسي.

قـــد يهمــــــــك أيضــــــاُ :

ليلى علوي تتعهد برعاية بنات شيرين عبد الوهاب

محامي شيرين عبد الوهاب يوضح حقيقة سفرها خارج مصر لاستكمال علاجها