سوسن بدر تكشف موقفها من أدوار الإغراء

وجهت النجمة سوسن بدر، رسالة لكل فنان يرى شبهة حرام في العمل الفني، قائلة: "اللي يقول أن الفن فيه شبهة حرام واللي حاسس أنه كده يتبع احساسه ويسيب الفن، واللي شايف نفسه مش مرتاح امشي ومش بس الفن، لأي مهنة فيها شبهة وأنا عايز أعمم الحكاية واللي مش مرتاح في شغلته يسيبها".

وردت الفنانة سوسن بدر، خلال حوارها ببرنامج "حبر سري"، مع الاعلامية اسما ابراهيم، على قناة القاهرة والناس، عن موقفها من الأدوار الجريئة، قائلة: "مش بيتعرض عليا حاليا أدوار جريئة لأني بعمل دور ماما وتيته ودي أدوار مفيش فيها جراءة وحتى وأنا صغيرة حينما كنت لا امتلك القدرة على الرفض كان ليا موقف".

وتابع: "لما كان بيجيلى أدوار فيها مشاهد جراءة أو اغراء وأنا صغيرة كنت بشوفها في سياق الدراما مهمة ولا لا وكانت تخضع للتقييم، وفي حالة أن المشهد غير مهم دراميا ولا يؤثر على العمل كنت ارفض، ورفضت أدوار جريئة لا تدخل في سياق الدراما".

قـــــــــــــــد يهمك أيضأ :

سوسن بدر ترفض إطلاق لقب "نمبر وان" على محمد رمضان

سوسن بدر تصرح أن الجن والشياطين مخلوقات موجودة واللي مذكور في القرآن بصدقه