تامر حسني يرد على رسالة حسام حبيب ويطالبه بالعودة لمشواره الفني

رد النجم تامر حسني على رسالة الفنان حسام حبيب له، وأعاد نشر كلماتها عبر حسابه الرسمي على موقع انستجرام، من خلال خاصية القصص القصيرة مصحوبة بتعليق، طالبه فيه بالعودة لجمهوره بأعمال جديدة.

وقال تامر حسني، في رده: “حبيبي يا حسام إيه الكلام الجميل ده، طول عمرك محترم وإنسان نضيف وفنان كبير، لو استفزناك بجد يلا ارجع زي الأول وأكتر، ارجع متعنا بأغانيك الراقية الجميلة والمزيكا الأجمل، لأن ليك جمهور كبير بيستنى شغلك وأكيد ليهم حق عليك، يلا صفحة جديدة مع مشوارك من النهاردة، يلا اوعدني قدام الناس إنك ترجع تاني”.

ورد عليه حسام حبيب، قائلا "أوعدك يا نجم الجيل".

كان حسام حبيب، وجه رسالة إلى النجمين تامر حسني ورامي صبري، بعد نجاح أغنيتهما "فعلا مبيتنسيش" التي تم طرحها مؤخرًا على موقع الفيديوهات "يوتيوب"، وكتب عبر خاصية القصص القصيرة بحسابه على موقع التواصل الاجتماعي "انستجرام": "أنا بكتب كلمتين من قلبي مش عارف هي مباركة ولا شكر ولا درس وبداية جديدة لجيل أنا فخور إني أكون منه، إخواتي وأصحابي، تامر انت من زمان وأحلامك وأفكارك كانت دايما تخص جيلك ودائما كنت بتتكلم معانا من واحنا صغيرين باسم جيلنا مش باسم تامر، بس انت حلمت لجيلك وعلشان كده أنا فعلا فهمت يعني إيه نجم الجيل، كنت زمان فاهم إن المقصود بيها إنك الأنجح وده حقيقي، لكن النهاردة فهمت معناها الحقيقي: أنت النجم اللي حلم لجيله مش لنفسه ودلوقتي حلمك بيتحقق يا صاحبي".

   قـــد يهمــــــــك أيضــــــاُ : 

تامر حسني يدعم بسمة بوسيل وجدل حول عودتهما

تامر حسني يتحدث عن إنجازات مجدي يعقوب