هنادي مهنا تكشف عن تعرضها للتنمر من الجمهور

كشفت الفنانة هنادي مهنا، عن تفاصيل تعرضها للتنمر من الجمهور على السوشيال ميديا خلال الفترة الماضية. وقالت هنادي مهنا خلال تصريح اعلامي: ضغط المجتمع عبر السوشيال ميديا، وبالأخص الانستجرام لوضع معايير ضاغطة على الفتيات من ناحية الشكل أمر سيء للغاية.

وتابعت: 99% من الصور الي فيه مش حقيقية كله فوتوشوب وفلتر، ورغم ذلك أنا بالنسبة لي مش مهم الشكل ولا الرشاقة ولا غيره، أهم شيء يبقى الإنسان مبسوط من جواه وهوا بيبص لنفسه في المراية مش مهم رأي  حد تاني.

وأضافت: المهم نكون مرتاحين وإحنا بنبص فيها وكمان في عناصر أخرى ممكن تخلينا مبسوطين وإحنا بنبص في المراية زي الشغل الكويس وعلاقات الاصدقاء أو حد، أتجاوز فيه حاجات كتيرة  بتسببب الفرحة لكن الأهم، الإنسان يبقى مبسوط من جواه  ومايهموش  الناس بتقول إيه.

وقالت إنها تأثرت كثيرة في الفترات السابقة بأراء الناس   قائلة:  فيه ناس مثلًا كانت بتقلي شكلك أحلى وأنتي تخينه  معنديش مشكلة ومحترمة رأيهم بس مش هرجع تخينه عشانهم طالما مبسوطة بنفسي وأنا كده.

واصلت: كنت بتأثر  بكلام الناس في الأول وأنا مليانه كانوا بيقلولي زي الجاموسة، وكنت بضايق وأنا بقرأ الكومنتات وأقعد أعيط، لكن اكتشتفت أن الإنسان ممكن يضايق لما يكون ثقته في نفسه مهزوزة ودي فترة عديت بيها وكأنت أي كلمة بتخبط.

 أكملت: لما الإنسان بيكون مبسوط ومرتاح من جواه    خلاص بتبقى حياته طاقة إيجابية ومهما كتبوا مافيش باب لتسلل الطاقة السلبية.

وحول كيفية نجاحها في استعادة ثقتها بنفسها، قالت:حبيت نفسي في المرايا فرحت وخسيت مكنتش بحب ألبس حاجة حلوة عشان الهدوم مش بتيجي  مقاسي، كنت بنزل مش مهتمة بنفسي، لكن ثقتي رجعت وبقيت مرتاحة لما ببص لنفسي في المرايا.

وعن نصيحتها للفتيات، أوضحت:نصيحتي  للبنات يعملوا إلي هما عاوزينه ومبسوطين بيه وأن لما يبصوا في المراية يكونوا مبسوطين ومرتاحين وطول مالثقة في نفسك قوية مافيش كلام هيأثر فيكي.

قد يهمك أيضــــــــــــــــًا :

إصابة الفنانة هنادي مهنا بـ فيروس كورونا

هنادي مهنا في أول ظهور لها بعد الزواج والوزن الزائد يظهر عليها