تامر حسني يعلّق على الفتنة الغذائية

أحدث الفنان تامر حسني، خلال الساعات الماضية جدلاً كبيراً بعد توجيهه أسئلة عدة الى وزارة الصحة المصرية وعدد من الأطباء والمتخصّصين، أبرزهم الدكتور مجدي يعقوب، مطالباً بتقديم توضيحات علمية مبسّطة حول التغذية السليمة، في ظل الجدل الدائر حول الأطعمة المفيدة والضارة، وهو ما عرّضه للانتقادات والسخرية من شخصيات شهيرة.

وقال تامر في منشور عبر حسابه الشخصي في "فيسبوك": "في ظل الفتنة الغذائية اللي حاصلة في مصر وحديث كل الناس دلوقتي عن إيه المفيد لينا وإيه المضر، هل ممكن أناشد وزارة الصحة المصرية وكبار الدكاترة المختصة وأصحاب المستشفيات بردود كافية فيها شرح مفصّل عن إيه الأكل المفيد لينا، وإيه اللي مش مفيد؟".

وأضاف: "يا ريت يكون شرح مفصّل يفهمه الشخص العادي من غير أي مصطلحات طبية أجنبية، أولاً: الخضار أمثال الخس والجرجير وورق العنب وكل الورقيات مفيدة ولا لأ وإزاي نطّمن إنها مش مرشوشة مواد تمرض الناس، ثانياً: البيض والفراخ اللي في بلدنا ناكله إزاي وإزاي نميّز ونطّمن إنه مش محقون وإزاي نعرفه لو محقون، ثالثاً: شرب المية بكثرة كما تعلّمنا مفيد ولا لأ، رابعاً الحليب مضر ولاّ كويس وإيه الصح اللي نشربه، خامساً: الأدوية لازم تتاخد ولاّ مش لازم ولاّ مش أي أدوية تتاخد".

تامر حسني يطلب من كبار الأطباء الردّ على أسئلته
وتابع تامر: "أناشد وزارتنا المصرية تعملنا فيديوهات حد يطلع يكلّمنا بالعامية، ويردّ بالتفصيل، وبالأدلة العلمية على كل ده، ويا ريت يساعدني صديقي المحترم الأستاذ الفاضل أيمن عباس، بما إنه صاحب أكبر المستشفيات، يا ريت يطلعلنا دكاترة من عنده مختصة يعملوا فيديوهات ترد على كل اللي حاصل في مجتمعنا، وبناشد برضو الدكتور العظيم مجدي يعقوب يدّينا من خبرته العظيمة والدكتور الكبير حسام موافي، ويساعدونا الفترة دي كشعب ويريّحونا من الجدل الفظيع ده".

واختتم تامر حسني منشوره بالقول: "لأن محدّش بقى عارف ياكل إيه ومياكلش إيه وثوابت كتير اتغيّرت بين يوم وليلة، أرجوكوا متسيبوناش كده لا إحنا ولا ولادنا، وأرجع وأقول محتاجين حد يكلّمنا بطريقة بسيطة عامية يشرح فيها بالتفصيل وبالأدلة إيه غلط وإيه صح، وأنا ليه بقول محتاجين أكتر من جهة تتكلم؟ عشان كلنا نطابق الكلام ببعضه مع المنطق ونحكم صح".

خالد منتصر ينتقد تامر حسني
فى المقابل، ردّ الكاتب والطبيب خالد منتصر بحملة انتقادات عنيفة على أسئلة تامر، معتبراً أن بعض الأسئلة المطروحة "غير دقيقة علمياً"، وواصفاً ما يتم تداوله من شائعات غذائية بأنه معلومات مغلوطة لا تستند الى أي أساس علمي.

وأكد منتصر أن كثيراً من المفاهيم المنتشرة حول الغذاء، مثل هورمونات الفراخ أو التشكيك في أساسيات التغذية، يتم تداولها بشكل غير علمى، مشدداً على ضرورة الرجوع الى الأطباء والمتخصصين بدلاً من الاعتماد على الجدل المنتشر عبر مواقع التواصل الاجتماعي.

وبين دعوة تامر حسني لتبسيط المعلومات الصحية للجمهور، وانتقاد خالد منتصر لطريقة الطرح واعتبارها غير علمية، تصاعدت وتيرة الجدل على السوشيال ميديا.

قد يهمك أيضــــــــــــــا

تامر حسني يردّ على اعتذار حمادة هلال بعد خلافهما على أغنية

تامر حسني يكشف حقيقة زواجه مرة ثانية