دنيا سمير غانم تهنئ هشام جمال على" فى بيتنا روبوت "

أبدت النجمة دنيا سمير غانم، إعجابها الشديد بمسلسل "فى بيتنا روبوت" الذى يعرض حاليا عبر شبكة قنوات CBC، مؤكدة أنه من أجمل المسلسلات الكوميدى التى شاهدتها، مشيرا إلى فريق عمل المسلسل مجتهدين بطريقة غير عادية.

ونشرت دنيا، بوستر المسلسل، عبر حسابها على انستجرام، قائلة: "من أجمل المسلسلات الكوميدى اللى شفتها وفريق عمل كله بلا استثناء شاطرين ومشرفين ومجتهدين بطريقة غير عادية ما شاء الله"، مضيفة: "برشح فى بيتنا روبوت، لأى حد عايز يتفرج على عمل كوميدى متكامل مظبوط فيه مجهود بيحترم الجمهور، برافو بجد هشام جمال، عمرو وهبة، ليلى زاهر، شيماء سيف ومحمد أوتاكا".

وفى بوست آخر، هنأت دنيا الممثل هشام جمال، بطل المسلسل، معلقة على صورة معه: "ألف مبروك من قلبى يا هشام، على المسلسل الحلو جدا ده، اللى انت مثلت فيه ومحدش حس إنك أول مرة تمثل ما شاء الله، لإنى اتعودت أتفاجأ من مواهبك المتعددة وأنبهر بأفكارك اللى دايما مميزة ما شاء الله من سنة 2011".

وأضافت دنيا: "ألف مبروك لأنك كمنتج قدمت لنا عمل محترم وكنت حريص إنك تدى فرصة لكل حد حواليك إنه يطلع أحسن ما عنده، وتشوف بعينك وجوه جديدة أمتعتنا وحسينا إنهم قريبين مننا ومن بيوتنا المصرية، وكنت شايف كل حد فى دوره مظبوط ولايق عليه.. فخورة بيك جدا جدا وبكل الناس اللى شاركت فى المسلسل".

قد يهمك أيضــــــــــــــــًا :

رامي رضوان رفقة دنيا سمير غانم من احتفالية عيد الحب

دنيا سمير غانم تهنئ متابعيها بعيد الحب عبر انستجرام