رامز إيلون مصر يسخر من إطلالة ستيفاني عطا الله والأخيرة ترد

وقعت الفنانة ستيفاني عطا الله، ضحية لبرنامج رامز إيلون مصر في حلقة اليوم، ووصفها رامز جلال بأنها جميلة جميلات لبنان، وأنها من بلد الفيلر والبوتكس. حسب وصفه.

وكشفت ستيفاني عطا الله كواليس مشهد القبلة الجريء في مسلسل كريستال قائلة: "مشهد البوسه في كريستال اتعاد مرتين تلاته وخطيبي بيثق فيا".

ستيفاني عطا الله في برنامج رامز إيلون مصر
وقال رامز جلال مستقبلاً النجمة اللبنانية: "معانا النهارده نجم شحرورة من يوم ما ظهرت وهي عاملة مشاكلة رغم إنها من بلد الفيلر والبوتكس، لا عندها دهون ولا ضاربة كورسيهات، عادية زي كل البنات، مش لازم تبقي كيرفي، لازم تبقي معصعصة، اغسلي وشك بالصابونة مش لازم ماسكات... متحررة زيادة عن اللزوم تنزل صور بالمايوهات وهي بتعوم، معكم جميلة الجميلات اللي معقدة الرفيعين والتخان، ستيفاني عطا الله".

ستيفاني عطا الله برنامج رامز إيلون مصر

وأضاف رامز جلال: "هي لبنان بيحطوا حاجة في الماية ولا إيه! الناس دي عاملة كدة ليه! لابسة حلقين! إيه التسريحة دي، تسريحة شجرة الكاكاو، لابسة حزام جلد خرتيت.. شوكولا".

ووبخت ستيفاني عطا الله رامز جلال ووصفته بالمريض لرغبته المستمرة في إيذاء ضيوفه، حسب قولها.

ستيفاني عطا الله ضحية برنامج رامز إيلون مصر

ضحايا برنامج رامز إيلون مصر
وقع عدد من النجوم ضحايا برنامج رامز إيلون مصر، ومن بينهم الفنانة زينة، والتي استقبلها رامز بموجة تنمر وسخرية، وسخر من إطلالتها ووصفها بأنها بدلة عبدالعال.

كما استقبل رامز جلال المخرج محمد سامي بسخرية وقال: "إيه كمية الذهب دي؟.. بالنسبة لشعرك ده إيه.. الليلة ليلته هتبقى هباب هيشوف أقصى أنواع العذاب، هبهدله،.. مشاكله كتير، والانا عنده متضخمة، معاكم اللي مش بعيد يكتب اللي حصل له النهاردة في عمل درامي، اللي هاخدوا ع الحامي اللي هيشوف مقلب دامي اللي مش بعيد يكتب اللي حصله النهاردة في عمل درامي المخرج محمد سامي".

محمد سامي برنامج رامز إيلون مصر

حلقة أحمد العوضي، كانت من بين أكثر الحلقات التي أثارت الجدل في برنامج رامز إيلون مصر، واتهم فيها رامز جلال، العوضي، بأنه استغل ياسمين عبدالعزيز للصعود على اسمها.

وفي حلقة ريم مصطفى، فاستقبلها رامز جلال بوصلة سخرية متواصلة، ووصفها بـ "فاتنة سن اليأس" معبراً عن فضوله لمعرفة سر رشاقتها. واستكمل وصلة السخرية قائلاً: "وزن ريم اللي ظاهرة بيه ده استحالة يكون ريجيم... ملاحظ إن التوب ضيق أوي، إنت لابساه ولا لازقاه ده؟.. أهلا وسهلاً بفاتنة سن اليأس ذات الجمال النرويجي هنعرف النهاردة دي الحقن الجديدة ولا عملية تكميم.  ريم كتير طلع عليها حاجات، زي مثلا خرابة بيوت وبتخطف الرجالة من الستات.. نجمة الإشاعات عن جدارة".

ريم مصطفى برنامج رامز إيلون مصر

أما حلقة الفنان حسام حبيب، فأثارت الجدل بمقدمة غير متوقعة تطرق فيها رامز جلال للحديث عن تفاصيل أزمة حسام حبيب وشيرين عبدالوهاب، وقال ساخراً: "الموضوع بينه وبين شيرين اشتعل لدرجة إن الواد علشانها طلع أتبرأ من أبوه.. النهاردة أنا هقنعه يرجع اللي سرقه.. ضيف النهاردة هو صاحب أكبر قصة حب توكسيك في تاريخ الوسط الفني، حخليه يركز في الأغاني والألبومات إيه القميص عامل كده ليه سيب الاستايل ده لنجم الجيل.. المطرب حسام حبيب.. الباشا زعيم شبكة التقليب الدولي".

وجاءت فيفي عبده ضيفة حلقة أمس، وتحدثت عن عدد زيجاتها، وأمنيتها الزواج من عمر الشريف، كما سخر رامز جلال من وزنها قائلاً: "الجسم ده ما يحكمش في مسابقات اكتشاف مواهب ده يحكم في مسابقات كوارع"

يدعو رامز جلال ضيوف برنامجه رامز إيلون مصر، ويقنعهم بأنهم سيشاركون ضمن لجنة تحكيم في برنامج لاكتشاف المواهب، قبل أن يتحول الأمر لمقلب ضدهم. ولحبكة المقلب يستعين رامز جلال في برامجه هذا العام بالفنانة نوال الزغبي.

   قد يهمك أيضــــــــــــــــًا :

إلهام شاهين تعلّق على مقلب رامز جلال

أحمد العوضي ينتقد رامز جلال بقوّة