رسائل قاسية من سمية الخشاب للمتحرشين" هعملك أزاي تبقى راجل"

وجهت الفنانة سمية الخشاب عدة رسائل للمتحرشين مؤكدة  إنها لن تتهاون في حقها مرة أخرى وستقوم بفضح كل متحرش وذلك عبر حسابها الرسمي بموقع تويتر.وأعادت سمية الخشاب نشر صورة لها مصحوبة بتعليق غير لائق وردت الخشاب على المتحرش، عبر حسابها الشخصي بموقع التواصل الاجتماعي تويتر كاتبة: "لو أنا ماشية في الشارع وفكرت تقربلي هعلمك إزاي تبقى راجل يا دكر".
رسائل سمية الخشاب للمتحرشين

وتحدثت سمية الخشاب عن التحرش قائلة: "شوفت مليون قصة عن التحرش في المواصلات ولما واحدة تيجي تمسكوا تعلموا الأدب يقولولها خلاص ده راجل كبير ومعلش ويكتموا على الموضوع، ولما واحدة تحط ميك آب أو تلبس أي حاجة مش على هواهم يجلدوها، حاجة في منتهى القرف".وأضافت: "أي متحرش هيفكر يمس شعرة من بنت أو يجرح شعورها يفكر مليون مرة عشان خلاص السكوت ده كان زمان، مش هيتساب وهيتحاسب وهيتفضح، أي بنت تتعرض لأي نوع من التحرش تتطلع تتكلم وكلنا هنقف فضهرها".

وعن تبرير التحرش كتبت سمية الخشاب:"١- لو من الجانب الديني فربنا يحاسب الناس مش انت ولا غيرك ٢- المنقبات بيتم التحرش بيهم زيهم زي اللي لبسهم ضيق ٣- اي حد بيبرر التحرش بيبقي عباره عن شخص متخلف وميستحقش يعيش وسطنا ممكن نحطه في قفص احسن يعيش مع اللي زيه ويتحرشوا ببعض بعيد عننا".
آخر أعمال سمية الخشاب

جدير بالذكر أن آخر أعمال سمية الخشاب هي مشاركتها في مسلسل "موسى" من تأليف ناصر عبد الرحمن، إنتاج سينرجي، إخراج محمد سلامة، ومن بطولة محمد رمضان، سمية الخشاب، رياض الخولي، سيد رجب، عارفة عبد الرسول، عبير صبري، هبة مجدي، صبري فواز، منذ رياحنة، فريدة سيف النصر، حمدي الوزير وتارا عماد.

وتشهد أحداث المسلسل صراعات كثيرة على المستويين الشخصي والتاريخي، ويتخللها أحداث حقيقية وقعت في التاريخ المصري، مما دفع المؤلف ناصر عبد الرحمن للقراءة والتعمق في تاريخ حقبة الأربعينيات التي تدور فيها الأحداث، بالإضافة لاستعانته بالمعلومات الإنسانية التي توافرت حول تعامل المصريين معًا خلال هذه الفترة.

قد يهمك ايضا 

سمية الخشاب تكشف حقيقة خلافات محمد رمضان وزوجته بسببها

الفنانة سمية الخشاب تكشف عن أمنيتها للعام الجديد