‫تولين البكري مطلقة بعد يومين فقط من زواجهــا

أكدت الفنانة تولين البكري، أنها فسخت عقد زواجها من رجل الأعمال السوري أمجد, ويأتي ذلك بعد إعلان زواجها منه بأيام قليلة بحضور عدد من أصدقائها من أهل الوسط الفني في فندق "الشيراتون" في دمشق .

وأشارت تولين إلى أنّ فسخ العقد يعود إلى رفض أهل زوجها من أن يتزوج من ممثلة ومطلقة، وأكملت قائلة " رفقاتي...حبايبي..لكل اللي فرحولي من قلبون..ولكل اللي باركولي وتمنولي الخير..بقول..ومتل ما كنتوا معي نضاف وبقلب صافي وبمحبة فرحتوا لفرحي أنا واجبي بادلكم بنفس الصدق والصفاء وشيل كل تساؤل واشارة استفهام عم تفكروا فيها..بما أني بعد يوم من إعلان زواجي شلت كل الصور ..أنا رح واجه مشكلتي معكم لأنو أد ماخبيت مافي شي بيدوم..ومافي داعي لخبي لأني ماغلطت..بالعكس..أنا متلي متل أيا أنثى..بتحلم بالاستقرار والأمان والدفا والعيلة والحب..ارتبطت شرعًا بشب ابن عالم وناس وتزوجنا بعد ما تقدملي بشكل رسمي، وحكا مع أهلي وطلبني على سنة الله ورسوله..ولكن للأسف كان لأهل هالشب اعتراض عليي ومآخذ..بما أنني مطلقة وممثلة و..و..الخ..واجبروه على فسخ عقد الزواج القائم بيننا..ماعندي شي خبيه لأني ماغلطت كل ذنبي كان أني طلبت الحلال مع هالشب..وبالنهاية كل شي لخير أكيد.. وقسمة ونصيب. بس حابة قول لكل أم عندها شب عم تدور لأبنها على عروس من وجهة نظرها أخلاق هالعروس بتنطلق من عذريتها بحب قول لهالأم..ياسيدتي عذرية الروح أهم بكتير من عذرية الجسد...وبعتذر من أهلي قدام الكل لأني حطيتون بهالموقف بدون أي ذنب..شكرآ".