بعد أزمتهما الأخيرة، وقرار النيابة بحبسهم بتهمة تعريض حياة ابنتهما للخطر، ثم الإفراج عنهما بعد 6 أيام، قرر                         اليوتيوبرز أحمد حسن وزينب افتتاح مطعم خاص بهما، والابعتاد عن حياة اليويتوب. ونشر أحمد حسن عبر صفحته الرسمية على "فيسبوك"، منشور قال فيه: "بعد بكرة الخميس، أجمل يوم فى حياتنا عشان أخيرًا حققنا حلمنا وهنفتح مطعم، يا رب يكون فتحة خير علينا، وبما أنكوا عيلتنا التانية لازم تشاركونا فرحتنا وتكونوا موجودين فى افتتاح مطعمنا الساعة ٣ العصر يوم الخميس الجاى".

وأضاف: "أوعدكوا أنكوا هتاكلوا أحلى فرايد تشيكن فى مصر، وأنا وزينب وكتير من المشاهير اللى بتحبوهم هنكون موجودين يوم الخميس من الساعة ٣ العصر إلى الساعة ١٠ بليل، هنستناكوا لأن اليوم ده هنخربها تصوير صور و فيدوهات، ده غير فى مفاجآت كتير هتفرحوا بيها وهتعرفوها لما تيجوا".

وتابع حسن: "مستنى وقفتكم جنبنا وتشرفونا يا أحلى ناس فى الدنيا عشان اليوم مش هيكمل غير بيكم، وفى قرارات قررناها حابب أعرفهالكوا، قررنا زى ما هنتاجر على أرض الواقع نتاجر كمان مع ربنا، فقررنا أننا نخرج ٢ جنيه مع كل أوردر يخرج من المحل، أول جنيه هيخرج للفقراء والمحتاجين واليتامى والمرضى، وتانى جنيه هيخرج لصندوق تحيا مصر، دعما مننا لبلدنا الحبيبة مصر، والقرار ده سارى طول ما إحنا عايشين على وش الدنيا إن شاء الله".

قد يهمك أيضــــــــــــــــًا :

أحمد حسن وزينب يكشفان عن أبرز الأزمات التي واجهتهما

"المصرية زينب تكشف عن سبب ارتدائها "الحجاب