الهواري يكشف سر تأجيل مسرحية "حزلقوم" الشخصية التي اشتهر بها أحمد مكي

كشف المخرج والمنتج المصري مجدي الهواري، سر تأجيل مسرحية "حزلقوم"، الشخصية التي اشتهر بها الفنان أحمد مكي، مشيرًا إلى أن انشغال الأخير بتصوير مسلسل "الاختيار 2"، وراء تأخر بدء عروض "حزلقوم".وقال الهواري: "الدور الي بيعمله أحمد مكي في الاختيار 2 قوي وشديد، لازم يركز، فقررنا نأجل عرض حزلئوم لحد ما يخلص المسلسل".
وعن عودته للسينما بفيلم جديد كما صرح سابقًا، قال: "والله لسة مستنيين فيلم مناسب وقصة مناسبة، كفاية إننا بُعاد عن السينما لفترة طويلة".وأضاف: "عروض مسرح (كايرو شو) خدتنا من السينما شوية، بس دي مهمة لازم نكملها للآخر، إحنا جذبنا الجمهور بالنجوم الموجودين، فلازم نكون مركزين لغاية ما الناس تتأكد إننا عندنا تجربة صادقة وحقيقة لمشاريع كايرو شو".

وأردف: "لسة متفقناش أنا وأيمن بهجت قمر على الخط الدرامي للفيلم الجديد، بس إحنا لسة بنفكر إزاي نطلعه بشكل مختلف، أنا بقالي كتير معملتش سينما، علشان أرجع لازم يكون الموضوع مختلف ورجوعي يبقى مختلف، الجمهور بيقابلني دايما يقولي فين أعمالك السينمائية، وأنا شايف إن لازم بعد الغياب ده كله، الواحد يرجع بحاجة قوية ومميزة، إن شاء الله نعمل كده".
وكان مجدي الهواري قد كشف في وقت سابق عن دراسة نجله عبد الله للإخراج ودخوله مجال عمله، وعلق قائلًا: "أتمنى إن ابني عبدالله يعديني بكتير، أنا دايما بقول لأولادي لو بتعملوا الحاجة اللي بتحبوها وبتخلصوا ليها، الحاجة دي هتديكم أكتر".وأضاف: "مش خايف عليه من الوسط الفني، دي كلمة قديمة أوي، أي شغلانة متعبة، هي شغلانتنا فعلا تاني أصعب مهنة بعد عمال مناجم الفحم، ولكن التميز اللي بيجي من غير تعب بيبقى مش حلو".وعن إمكانية تعاونه فنيًا مع طليقته، الفنانة غادة عادل، قال: "في فيلم بيتكتب إن شاء الله يعجبها الأول، وفي المسرح كمان في حاجة قدامنا واحتمال تشارك فيها وربنا يسهل".يذكر أن مشروع الهواري المسرحي يحمل اسم "cairo show" ويضم في جعبته 16 عرضًا مسرحيًا متنوعا ومختلفا في نوعية العروض، يهدف الهواري من خلالها لإعادة المسرح من جديد لسابق عهده ويقدم نجوما كبارا إلى جانب الفنانين الشباب.وافتتح مجدي الهواري عروض "كايرو شو"، بمسرحية "3 أيام في الساحل" للفنان محمد هنيدي، و"بهجة" للفنان خالد سرحان.

قد يهمك أيضــــــــــــــــًا :

غادة عادل تشعل السوشيال ميديا بسبب مجدي الهواري

مجدي الهواري يحتفل بميلاد غادة عادل رغم انفصالهما