تامر حسني يدشن مبادرة لعلاج مرض ضمور العضلات

نشر الفنان تامر حسني، صورة لأحد الأطفال مصابي مرض ضمور العضلات، وحث جمهوره على المساهمة في علاج هذا المرض، كمبادرة منه. 

وكتب تامر حسني، عبر انستجرام: «يا جماعه مرض ضمور العضلات منتشر جداً في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمة لو دفع ٣٠ جنيها بس هيساهم في احياء طفلة في لحظة واحدة طفلة بتتعذب كل لحظة هي و اهلها ،، امنية حياتي والله العظيم دلوقتي ، يتعمل ابليكيشن تحت رعاية الدولة و تتسمى (( المليون اخ)) و تبقى على تليفونات الناس اللي هتتبرع مليون واحد هتجيلهم رسالة حسب خطورة المرض و نوعه و تكلفته العامة و المطلوب منه و في سيستم يقدر يدخل بنفسه يشوف اسمه و تبرعه راح فين و ان المريض اتعالج خلاص و تجيله رساله شكراً صدقتك احيت نفس بل اسرة كامله .. انا كفنان جاهز لأي جهه هتتبنى الفكرة دي اني اكون داعم ليها و معلن عنها لو الجهه محتاجه ليا شخصياً او لصوتي ان شالله أنزل ألم التبرعات بنفسي و اخبط على بيت بيت و ده لوجه الله و لخدمة شعبنا و اهالينا المحتاجين»

وتابع تامر حسني: «اللي هيشترك،،،،،،، مره هيدفع ١٠ جنيه … مره خمسه …. مره ٣٠ اقصى حاجه ٤٠ جنيها لان حقنة علاج المرض دا ب ٤٠ مليونا و دي اغلى حاجه تخيلوا لما ب ٤٠ جنيها بس تنقذ روح بني آدم يعني هتدفع صدقه و هتنقذ روح و انت في بيتك و الصدقه فيها اجر عظيم تحمي نفسك بيها تحمي ولادك و كل اللي بتحبهم و تبقى صدقه جاريه في كل حياتك …. قيمة الصدقه عند ربنا كبيره اوي اوي فوق ما تتخيلوا يا جماعة متتخيلوش بتشيل عننا حاجات صعبه قد ايه لو عرفناها هنبكي فرحاً من رحمة ربنا … يارب حد يسمعني». 

واختتم تامر حسني: «و كدا باذن الله مش هيكون في مريض محتاج .. و لو عندنا مشاكل كتير في مجتمعنا آدينا بوحدتنا و بحبنا لبعض بنشيل مشكلة منهم». 

   قد يهمك أيضــــــــــــــــًا :

تامر حسني يعلق على أغنية "ورد صناعي" من أهم كلمات الأغاني اللي كتبتها

تامر حسني يتربع علي يوتيوب بأغاني فيلم "بحبك" وألبوم "عشأنجي"