ماسك الجرجير لتطويل وتغذية الشعر

لمقادير: 10 عيدان جرجير مقطعة (الورق والسيقان) 4 ملعقة كبيرة زيت زيتون الطريقة: 1- اضربي الجرجير مع زيت الزيتون في الخلاط لمدة 3 دقايق، وقلبيه كل شوية علشان يمتزج كويس. 2- حطّي عصير الجرجير في حلة، وسيبيه على نار متوسطة لحد ما يبدأ في الغليان، ولما يبرد شوية صفّيه، وحطيه في برطمان في التلاجة لمدة يومين أو ثلاثة واستخدميه على شعرك، واستخدميه بشكل متواصل لمدة 15 يوم على الأقل. ملحوظة: ممكن تستخدمي خليط الجرجير وزيت الزيتون من غير ما تحطّيه على النار، لكن بعد ما تحتفظي به لمدة يوم كامل في الثلاجة، وتستخدميه تاني يوم. حنة مغذية بالأعشاب لشعر بني المقادير: 2 ملعقة كبيرة حنة 3 ملعقة كبيرة شاي ¼ ملعقة صغيرة قرفة ملعقة كبيرة خل أبيض 3 ملعقة كبيرة كركديه 2 ملعقة كبيرة روز ماري 2 ملعقة كبيرة حلبة مطحونة 2 كوب ماء الطريقة: 1- اخلطي الشاي مع الكركديه والقرفة والروزماري والمية، واغليهم على النار، وبعد كده صفّيهم. 2- حطي الحنة في طبق منفصل مع الحلبة والخل، وضيفي عليها الخلطة اللي فاتت بعد ما تصفّيها، واعجنيها كويس، وحطّيها على جذور شعرك بعد ما تغسليه لمدة 3 ساعات على الأقل، وبعد كده اشطفيها كويس، ومع تكرار الحنة دي على الشعر لمدة أسبوعين، اللون هيكون أثبت وأوضح.