باسم يوسف يرد على اتهامه بالتسبب في رحيل نظام الإخوان في مصر
آخر تحديث GMT20:54:07
 العرب اليوم -

باسم يوسف يرد على اتهامه بالتسبب في رحيل نظام الإخوان في مصر

 العرب اليوم -

 العرب اليوم - باسم يوسف يرد على اتهامه بالتسبب في رحيل نظام الإخوان في مصر

باسم يوسف
دبي – العرب اليوم

رد الإعلامي الساخر باسم يوسف على اتهامه بالتسبب يف رحيل نظام الإخوان، وكتب يوسف في حسابه على "فيسبوك"، اليوم الخميس: "لا يا حبيبي، انت فاهم الديموقراطية غلط. الديموقراطية مش منة ولا فضل من مرسي بتاعكم الديموقراطية هي اللي ليها الفضل إنه جه رئيس. والديموقراطية دي هي اللي خلتكم تعيطوا بعد الجولة الأولى لما مرسي اللي كنتم فاكرينه حيكتسح اضطر يخش جولة تانية قدام شفيق. وفضلتم تلفوا على "رفقاء الميدان" واحد واحد وتعيطولهم وتكلموهم وتترجوهم و"النبي تعالوا مؤتمر الفيرمونت" بعد لما كنتم بتفشخوهم وبتهاجموهم في برامجكم وتشنعوا عليهم. وبسببهم مرسي كسب بواحد في المية بسبب "عاصري اللمون" اللي زقوه".

وأضاف: "أنا كنت من الناس اللي أنتم اتصلتم بيهم واترجتوني أساند مرسي وأنا قلت الاتنين أوسخ من بعد مش حعلن تأييدي لحد".

وتابع يوسف: "بسبب الديموقراطية يا حبيبي مرسي المفروض كان يتبهدل وينتقد بادب و بقلة أدب، الديموقراطية مش بتخلص عند الصناديق. الديموقراطية بتكمل لبعد كده، كان المفروض نعمل ايه يعني؟ نسكت؟ نطبل؟ نسكت وشيوخ السلفية بيتكلموا عن كرامات مرسي في صلاة الفجر وإزاي "نصارى مصر حيدخلوا دين الله أفواجا بعد إزالة قبضة الكنيسة الحديدية" نسكت على هبل مرسي والناس اللي مختارهم وتناقضاتهم؟ نسكت على الزبالة اللي كنا بنشوفها في قنواتكم؟ وكمان هو إحنا كنا بننتكلم لوحدنا؟ أنتم كان عندكم بدل القناة مواقع وصفحات وجريدة وقنوات سلفية في صفكم (الناس، الحافظ، الخليجية وغيرهم). كنتم بتطلعوا في القنوات دي وتنتهكوا حرمات الناس: تتهموا ده بالشذوذ، ده بالكفر وده بالعمالة. وكل ده على فكرة في ظل الديموقراطية اللي كنا كلنا عايشين فيها مش بمنة ولا فضل من مرسي بتاعكم".

وقال يوسف: "اللي حصل بعد كده ان انتم اللي انتهكتوا الديموقراطية دي. لما مرسي قعد مع رؤساء الاحزاب وأتصور معاهم و بعدين طلع إعلان دستوري لوحده وبعت ميليشياته للمحكمة الدستورية العليا وحاصرها ووقفت الميليشيات هناك تهتف للداخلية اللي وقفت وما عملتش حاجة.. فاكرين؟ فاكرين ولا نفكركم؟".

وأضاف: "موضوع بقى إن البرنامج ما حدش قربله وقت مرسي: يا راجل؟ طب هو أنا رحت النائب العام اتفسح؟ ست ساعات استجواب وكفالة وعلي قنديل(اللي استضفته في الحلقة) نفس الموضوع. طب ايه رآيكم بقى ان قبل تلاتين ستة وزير الاستثمار الاخواني بتاعكم بعت تحذير مكتوب لكل القنوات إن أي برنامج حيسخر من الرئيس حيتقفل والقناة حتتقفل بعد الانذار التاني؟ الانذار ده اتبعت وإحنا بنصور آخر حلقة قبل تلاتين ستة. يعني نيتكم كانت وسخة اصلا". 

وتابع يوسف: "اللي حصل بقى بعد تلاتين ستة: ما حدش مننا أيد السيسي رئيس جمهورية ولا حد من اللي أعرفهم على الاقل فوضه. وما حدش يقدر يجيب اي حاجة انا قلتها بايده فيها رئيس، بالعكس في عز البرنامج لما كان موقوف وفي ظل تأييد طاغي ليه قلت مش عايزه رئيس جمهورية، إحنا فرحنا في تلاتة يوليو، وفرحنا مش عشان نجيب السيسي رئيس، المطالب كانت واضحة: كتابة دستور جديد وانتخابات رئاسية مبكرة، مش قتل الإخوان مش حبس الاخوان مش حبس مرسي، آه يمكن كان مضحوك علينا، بس على الاقل أنا مش في سلطة، أنا كنت بني ادم عادي له رأي وخايف من اللي كان بيشوفه في قنواتكم، . صفحاتكم وبرامجكم كانت بتتنتهك عرضي وتجيب في سيرة عيلتي على مدار سنة. معلش مش حقف معاك وأنت بترمي عليا وساختك. أنا بشر مش ملاك. على الاقل إحنا فقنا يا سيدي متأخر لما شفنا الراجل بنضارة القذافي بيطلب تفويض، عايز تقول أغبيا ، سذج؟ ماشي. بس ما تزايدش بقى وتقول إننا تم استخدامنا زي ورق الكلينكس وإترمينا. عايز تعرف مين ورق الكلينكس؟".

وأضاف يوسف: "عايز تعرف مين اللي لحسلهم سنة كاملة مش فرح اسبوع؟ تعال يا حبيبي"، السيسي وزير بنكهة الثورة. مين قال دي؟، مين اللي ساند محمد ابراهيم  هو بيقتل الناس في بورسعيد وأنت بتهللوا ليه؟، مين اللي تغاضى عن قتل ٢٦ مصري (مش قبطي) مصري تحت دبابات الجيش اللي انتم كنتم بتعرصوله ومشيتم ساعتها على خطى التلفزيون المصري وجيبتوا اللوم على الضحايا، مين صاحب مقولة رجال القوات المسلحة رجال من دهب؟".

وتابع: "مين اللي طلع حملة :شغلني مكانه" عشان يقتل أول حركة عصيان مدني وإضراب شامل عشان تساندوا المجلس العسكري، مين اللي ساب الناس ينزلوا في التحرير لوحدهم وراحوا يحتفلوا بيوم اليتيم مرة ويوم القدس مرة وسميتوا الجمعة دي جمعة شق الصف ولا جمعة الوقيعة ولا جمعة مش عارف أيه؟".

وأضاف يوسف: "مين اللي جري علـى العرس الديموقراطي وساب بقية الناس تموت في محمد محمود؟، مين اللي دعى لجمعة مساندة المجلس العسكري بتاعة ٢٩ يوليو لمساندة الجيش و المجلس العسكري؟ مين اللي طلع في التلفزيون و قال إن شعار يسقط حكم العسكر ده مرفوض؟". 
 

arabstoday

الإسم *

البريد الألكتروني *

عنوان التعليق *

تعليق *

: Characters Left

إلزامي *

شروط الاستخدام

شروط النشر: عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

اُوافق على شروط الأستخدام

Security Code*

 

باسم يوسف يرد على اتهامه بالتسبب في رحيل نظام الإخوان في مصر باسم يوسف يرد على اتهامه بالتسبب في رحيل نظام الإخوان في مصر



GMT 09:54 2021 الأربعاء ,14 إبريل / نيسان

فساتين خطوبة بألوان ربيعية مستوحاة من ورود الفصل
 العرب اليوم - فساتين خطوبة بألوان ربيعية مستوحاة من ورود الفصل

GMT 10:01 2021 الأربعاء ,14 إبريل / نيسان

سياحة طبيعيّة في موقعين عربيين غنيين بالثروات
 العرب اليوم - سياحة طبيعيّة في موقعين عربيين غنيين بالثروات

GMT 07:37 2021 الأحد ,11 إبريل / نيسان

نصائح بسيطة لإنشاء صالة رياضية في منزلكِ
 العرب اليوم - نصائح بسيطة لإنشاء صالة رياضية في منزلكِ

GMT 08:36 2021 الأحد ,11 إبريل / نيسان

فساتين زفاف Elie Saab لربيع 2022
 العرب اليوم - فساتين زفاف Elie Saab لربيع 2022

GMT 03:11 2021 السبت ,27 آذار/ مارس

إيلون ماسك يكشف عن سر جديد يخص "سايبر ترك"

GMT 04:19 2021 السبت ,27 آذار/ مارس

الصين توسع مبيعات T77 المعدّلة حول العالم

GMT 03:50 2021 السبت ,27 آذار/ مارس

مركبة أخرى تنضم لأسرة سيارات GMC الجبارة

GMT 23:29 2017 الخميس ,12 تشرين الأول / أكتوبر

عبارات مثيرة قوليها لزوجكِ خلال العلاقة

GMT 05:28 2020 الأربعاء ,04 تشرين الثاني / نوفمبر

"منهاتن الصحراء" في اليمن أقدم مدينة ناطحة سحاب
 
syria-24
Arabstoday Arabstoday Arabstoday Arabstoday
arabstoday arabstoday arabstoday
arabstoday
بناية النخيل - رأس النبع _ خلف السفارة الفرنسية _بيروت - لبنان
arabs, Arab, Arab