خالد الغندور يهاجم إمام عاشور

فتح خالد الغندور لاعب الزمالك السابق، مساء اليوم الثلاثاء، النيران على النجم إمام عاشور، صانع ألعاب النادي الأهلي الحالي، بعد تألقه في مباراة سيراميكا كليوباترا في نصف نهائي كأس السوبر المصري للأبطال، والمقامة في دولة الإمارات الشقيقة.

ونشر خالد الغندور فيديو عبر حسابه الشخصي على «فيسبوك» وقال خلاله «قصة إمام عاشور بقى دمها تقيل أوي يا جماعة، في أفورة من الأهلاوية في تصييت إمام عاشور، كأنه أحسن لاعب في العالم».

وأضاف: «وفي أفورة من الزمالكاوية في التقليل من إمام عاشور، وكأنه لاعب عادي ووشه نحس، الحقيقة إن إمام عاشور طول عمره لاعب كويس جدًا، إمكانياته وقدراته الفنية والبدنية عالية جدًا».

وتابع: «لكن الأفورة بقى دي حاجة مش طبيعية، والأهلاوية بيقطعوا في لما بيلعب وحش، والزمالكاوية شايفين إنه نحس على الأهلي، والإعلام كله صيت إمام عاشور امبارح بعد هدف الأهلي في سيراميكا كليوباترا».

وواصل: «هو عمل إيه يا جماعة!؟، دا مجبش جول مارادوني ولا رقص الفرقة كلها مثلاً، بس الناس قالت لعيب ومنقذ وعالمي، هو كويس بس مش رهيب يعني وفظيع».

وزاد: «شوية يبقى إيمان عاشور، والناحية التانية قالوا دا نحس، وإمام بيتخانق مع كولر ومدرب المنتخب كمان، رغم إنه مفيد لمنتخب مصر بس بجد بلاش أفورة ولا تقليل من إمكانياته».

واختتم: «براحة شوية، إمام عاشور لاعب كويس، بس مش لاعب عالمي، لسه بدري عليه، ودور علي العقلية».

قد يهمك أيضــــــــــــــــًا :

إمام عاشور يصرح خسرنا بسبب الحظ

الحقيقة الكاملة لأزمة الشناوي ومعاقبة إمام عاشور