أحمد العوضي يتحدث عن المنافسة في رمضان المقبل

كشف الفنان أحمد العوضي، خلال تكريمه بجائزة أفضل ممثل في مهرجان "الأفضل" بدورته العاشرة بتصويت الجمهور، عن رأيه في المنافسة بينه وبين زملائه في موسم رمضان المقبل، مؤكدًا أنه لا يعمل للمنافسة، ولكن ما يهمه فقط النجاح وحب الجمهور.

قال العوضي، في تصريحات صحافية: "فضل من ربنا إني باخد تاني جائزة ليَّ من الجمهور السنة دي، وتاني تكريم ليَّ في مهرجان الأفضل للسنة الثانية على التوالي، دي حاجة تبسطني وتسعدني، وأنا بشتغل دايمًا علشان الجمهور هو اللي يديني الجائزة".

وعن المنافسة في موسم رمضان، علق قائلاً: "أنا باصص في ورقتي ومبشوفش المنافسة، في الآخر أنت بص في ورقتك وأنت ليك ناسك والنجم اللي جنبك ليه ناسه وليه الناس اللي بتحبه، وأنا هدفي أن الناس تحب اللي بقدمه ومبيشغلش بالي مين جنبي عامل إيه، أنا بتمنى النجاح لكل زملائي وبتمنى لنفسي إني أنجح والناس تحبني أكتر في الشغلانة اللي بقدمها.

تابع: "أنا بقول دايمًا إن رزقي في الدنيا حب الناس ليَّ، وربنا يديم عليَّ حب الناس وإني أبقى في حضنهم وده بالنسبة ليَّ أهم حاجة في الدنيا، وده اللي بيخليني أشتغل أكتر وأسعى أكتر".

يُذكر أن أحمد العوضي، يخوض السباق الرمضاني المقبل 2025 بمسلسل "فهد البطل"، ويشاركه في بطولة العمل كل من ميرنا نور الدين، أحمد عبد العزيز، لوسي، محمود البزاوي، صفاء الطوخي، صفوة، كارولين عزمي، عصام السقا، عزت زين، حمزة العيلي، محمد مهران، أحمد ماجد، محمود فارس والعمل تدور أحداثه في إطار اجتماعي شعبي.

    قد يهمك أيضــــــــــــــــًا :

أهالي بولاق يلتفون حول أحمد العوضي أثناء تصوير «فهد البطل»

أحمد العوضي يشوق جمهوره لمسلسله «فهد البطل» رمضان ٢٠٢٥