حسين فهمي يكشف سبب إقامته في الفنادق الفاخرة خلال المهرجانات

عقد الفنان حسين فهمي، رئيس "مهرجان القاهرة السينمائي" جلسة حوارية مع صحافيي ومراسلي الجرائد والمواقع الإخبارية، حيث حرص على الرد على اتهامه بتبديد المال العام، والانتقادات التي يتعرض لها بسبب إقامته في أفخم الفنادق داخل مصر وخارجها، خلال سفره لحضور المهرجانات السينمائية، مشيراً الى إنه يمثل المصريين ويعكس صورتهم في الخارج.

وقال فهمي: "أنا دلوقتي بركب أحسن طيارة في أحسن كرسي وبركب أحسن عربية مش عشان بتمنظر، بس عشان بيتشاور عليّا كفنان مصري ولازم يكون واخد احترامه ووضعه، لما ناس من دول أخرى يشوفوني في الطيارة لازم يشوفوا إن السينما المصرية تكون واخدة احترامها".

وأضاف: "لازم أركب أحسن عربية، والفنانة اللي بتلبس فستان أو حلق متقدرش تكرره تاني لأن إحنا بنمثل الشعب المصري، ممكن حد من دول برة ميكونش عارف اسمي بس يقول ده مصري، طريقة لبسي وأكلي محسوبة عليّ كمصري، لازم أنزل في أحسن أوتيل عشان شكلنا قدام الناس برة".

حسين فهمي: "بدفع أضعاف الفلوس اللي بتتدفع في أي مهرجان أروحه"

وواصل حسين فهمي: "أنا بسافر على حساب المهرجان اللي بروحه، ولكن بدفع من جيبي أضعاف اللي هما بيدفعوه، علشان ميتقالش حاجة وحشة علينا".

وعن كواليس تحضيره للنسخة الجديدة من "مهرجان القاهرة السينمائي" المقرر إقامته من 12 الى 21 تشرين الثاني (نوفمبر) المقبل، قال: "جالنا عرض بمليون دولار لرعاية مهرجان القاهرة السينمائي رفضناه، لأننا مهرجان دولة مينفعش نقبل أي حاجة، وده موقف وطني مننا".

وعن البلوغر والمؤثرين قال حسين فهمي: "هؤلاء الأشخاص بيتمنعوا من الدخول لمهرجانات معينة زي مهرجان "كان" وبيترفضوا، هم موجودون على السوشيال ميديا بس القيمة بتاعتهم في اللي بيقدموه ومبنجريش وراهم".

قد يهمك أيضــــــــــــــــًا :

حسين فهمي يكشف كواليس لقائه بالرئيس الفرنسي وممازحته له

حسين فهمي يكشف أسرار وفاة سعاد حسني ويتحدث عن "نمبر وان"